سیرت عثمان ذو النورین

یہ کتاب مسلمانوں کے تیسرے خلیفہ برحق حضرت عثمان  کی اُجلی سیرت کے مستند واقعات کا مرقع ہے۔ حضرت عثمان کی عظمتوں کا احاطہ نہیں کیا جاسکتا، وہ ذوالنورین تھے۔ ناشر قرآن تھے۔ سچائی اور سخاوت کا مجسمہ تھے۔ ان کے نو ر ایمانی کی ضیا اور حیا ضرب المثل تھی۔ ان کے عہد کی سپر پاور سلطنت روم کی فوجوں نے مسلمانوں پر بحری حملے کیے تو حضرت عثمان نے اپنا وقار ملحوظ رکھتے ہوئے رومیوں کی جارحیت کا منہ توڑ جواب دیا۔ آپ پہلے مسلمان فرمانروا تھے جنھوں نے بحری بیڑا بنایا اور مجاہدین اسلام کو حکم دیا کہ سمندر کی موجوں اور باطل کی فوجوں کو روند ڈالو۔ مسلمان اس معرکے میں کامیاب رہے۔۔۔۔۔۔۔۔ دولت کی بہتات انسان کو بدلتی ہی نہیں بے نقاب بھی کر دیتی ہے۔ حضرت عثمان دولت کی آزمائش میں بھی سرخرور ہے۔ وہ نہ صرف ذاتی طور پر بہت امیر آدمی تھے بلکہ سرکاری سطح پر بھی ان کا عہد خلافت دولت کی زبر دست ریل پیل کا زمانہ تھا۔ حضرت عثمان نے مسلمانوں میں دولت کی منصفانہ تقسیم کی عدیم النظیر مثال قائم کردی، شکست خورده رومی اور ایرانی مسلمانوں کی یہ شان گوارا نہ کر سکے، انھوں نے عبداللہ بن سبا کے ساتھ مل کر عالم اسلام میں بغاوت کی آگ بھڑکائی اور امیر المومنین سیدنا عثمان بن عفان کو نہایت سفاکی سے شہید کر دیا۔ یہ تمام واقعات مستند حوالوں سے جاننے کے لیے یہ کتاب پڑھیے۔ اس میں آپ کو اپنے روشن ماضی کی جیتی جاگتی تصویریں نظرآئیں گی۔